Posted on: April 2nd, 2024
Waziri Mkuu wa Jamhuri ya Muungano wa Tanzania Mheshimiwa Kassim Majaliwa Majaliwa Leo amezindua rasmi Mbio za Mwenge Wa Uhuru 2024 katika viwanja vya Chuo cha Ushirika Mjini Moshi,Mkoani Kilimanjaro.
Akizindua Mbio hizo Waziri Mkuu aliwataka wakimbiza Mwenge kitaifa kuhakikisha kuwa wanahubiri agenda za Taifa katika kila eneo ambalo Mwenge utafika.
"Hakikisheni mnahubiri agenda za Kitaifa kila mnakopita,hamasisheni wananchi kushiriki Uchaguzi wa Serikali za Mitaa,kemeeni vitendo vya rushwa maana wote tunatambua kuwa rushwa ni adui Wa haki" alisema Mheshimiwa Majaliwa.
Waziri Mkuu aliwataka wakimbiza Mwenge kitaifa kukemea matumizi ya Dawa za kulevya ambapo alionya vijana kuepuka matumizi ya Dawa za kulevya.
"Kuna kitu kinaitwa cha Arusha,Vijana achaneni kabisa na hivi vitu kwani kitawapotezea mwelekwo Wa maisha"alionya Majaliwa.
Aidha amewataka wakimbiza Mwenge Kitaifa kutofumbia macho mapungufu watakayoyaona kwenye Miradi mbalimbali badala yake watoe taarifa ili hatua stahili ziweze kuchukuliwa.
Mwenge Wa Uhuru mwaka huu umebebwa na kaulimbiu isemayo "Tunza Mazingira na Shiriki Uchaguzi wa Serikali za Mitaa kwa Ujenzi wa Taifa Endelevu"
The Way Through Mkomazi Nationa Park or District Hospital(Kibacha Rd)
Sanduku La Posta: P.O.Box 138
Simu ya mezani: +255 27 2758034
Simu Ya Mkononi: +255 717657681
Email: ded@samedc.go.tz
