WATENDAJI KATA WAPATIWA PIKIPIKI SAME

Posted on: August 28th, 2024

Halmashauri ya Wilaya ya Same imekabidhi pikipiki tatu kwa watendaji wa Kata za Myamba, Vudee na Chome ili kurahisisha utekelezaji wa majukumu yao.

Akikabidhi pikipiki hizo zilizotolewa na Ofisi ya Rais Tamisemi, Mwenyekiti wa Halmashauri ya Wilaya ya Same Mheshimiwa Yusto Mapande aliwaagiza watendaji waliopatiwa pikipiki kuhakikisha kwamba wanazitunza pikipiki hizo.

"Hizi pikipiki ni mali ya Serikali hivyo hakikisheni mnazitunza ili zidumu na kuendelea kufanikisha majukumu yeny ya kazi, zisitumike vinginevyo"alionya Mapande.

Akitoa shukrani kwa kupatiwa pikipiki Diwani wa Kata ya Myamba, Mheshimiwa Grayson Kiondo aliishukuru Serikali kwa msaada huo na kuahidi kusimamia utunzaji wa pikipiki hiyo.

"Tunamshukuru sana Mheshimiwa Rais Samia Suluhu kwa kutupatia pikipiki,ninachoweza kuahidi ni kuongeza tija kwenye utendaji ikiwa ni pamoja na kuongeza ukusanyaji wa mapato"alisema Diwani huyo.