TIGO YASAIDIA VIJANA WA UMITASHUMTA SAME

Posted on: April 5th, 2024

Kampuni ya simu Tigo Tanzania imesaidia carton 35 za maji ya kunywa kwa wanafunzi walio kambini Wilayani Same ambao wanajiandaa na mashindano ya UMITASHUMTA.

Akitoa msaada huo Meneja Masoko wa Tigo wa Wilaya za Same na Mwanga Bw.Yoeli Akonay alisema lengo la msaada huo ni kuiwezesha Wilaya katika kuandaa vijana wanamichezo kwa kuanza na UMITASHUMTA.

“Sisi tupo tayari kushirikiana na nyie katika masuala mbalimbali,leo tumesaidia kwenye michezo lakini likitokea jambo linguine msiache kutushirikisha”alisema Meneja huyo.

Akipokea msaada huo, Kaimu Mkurugenzi wa Halmashauri ya Wilaya ya Same Bi.Mary Kanumba aliishukuru Kampuni ya Tigo kwa msaada huo na kuyaomba makampuni mengine kujitokeza kusaidia katika kukuza michezo Wilayani Same.

Mratibu wa Mashindano hayo ngazi ya Wilaya Mwl Nathaniel Msangi alisema kwasasa Mashindano hayo kwasasa yapo ngazi ya Tarafa na yanajumuisha vijana 120.