SAME YABANDIKA TANGAZO LA MAJINA NA MIPAKA YA VIJIJI NA VITONGOJI

Posted on: September 16th, 2024

Mkurugenzi Mtendaji wa Halmashauri ya Wilaya ya Same Bw.Jimson Mhagama leo Agosti 16,2024 amebandika Tangazo la mipaka na majina ya Vijiji na Vitongoji ikiwa ni sehemu ya Maandalizi kuelekea Uchaguzi wa Serikali za Mitaa unaotarajiwa kufanyika Nov 27 mwaka huu.

Akibadika Tangazo hilo mbele ya Katibu Tawala wa Wilaya Bi. Upendo Wella na Afisa Uchaguzi (W)Bw.Yohana Peter, Mkurugenzi alihimiza wananchi wote kusoma Tangazo hilo ili waweze kufaham mipaka ya maeneo yao.

"Leo Tangazo hili nimelibandika hapa Ofisi za Halmashauri lakini pia watendaji wa Kata wameshapewa kwaajili ya kubandika kwenye maeneo ya Vijiji"alisema Mhagama

Nae Katibu Tawala wa Wilaya Bi.Wella aliwataka watendaji kuhakikisha kuwa matangazo hayo yanabandikwa kwenye maeneo yao ili wananchi waweze kuyasoma.

"Pamoja na matangazo haya lakini kaelimisheni wananchi kuwa kila mmoja atapiga kura kwenye Kitongoji alichojiandikishia"amesema Bi. Wella

Uchaguzi wa Serikali za Mitaa hapa nchini unatarajiwa kufanyika Novemba 27,2024.