MKURUGENZI MTENDAJI AKAGUA MRADI NA KUTOA MAAGIZO

Posted on: August 20th, 2018

Mkurugenzi Mtendaji wa Halmashauri ya Wilaya ya Same Bi.Anna-Claire Shija akagua mradi wa bweni na vyumba vinne(4) vya madarasa shule ya sekondari Bombo ambapo vyumba vya madarasa vimekamilika na vimeanza kutumika lakini bweni bado halijakamilika kutokana na wananchi wa eneo husika kutokushiriki ipasavyo katika mradi huo.

Akizungumza na mwalimu mkuu wa shule ya sekondari bombo na diwani wa kata ya Bombo Bi.Shija amewasisitiza na kutoa maagizo kwa mkuu wa shule na mtendaji kata kuhakikisha wanawahamasisha wananchi kushiriki katika shughuli mbalimbali za ujenzi wa bweni hilo ili kumalizika kwa haraka ifikapo mwishoni mwa mwezi Oktoba.

Huu ni muonekano wa bweni katika shule ya Bombo sekondari

Hapo chini ni muonekano wa vyumba vya madarasa ambavyo vimekamilika na vimeanza kutumika