KAMPENI YA MAMA SAMIA YA MSAADA WA KISHERIA BURE (MSLAC) YAENDELEA KUTOA HUDUMA SAME

Posted on: February 1st, 2025

Timu ya Kampeni ya Msaada wa Kisheria ya Mama Samia (MSLAC) Wilaya ya Same ikiongozwa na Mratibu wa Kampeni hiyo Wilaya Bi.Happiness Rhobi imetoa elimu kwa wanafunzi wa Shule ya Sekondari Kisiwani na kwa wananchi wa Kijiji cha Kadando Kata ya Maore

Wananchi wa Same wanaendelea kunufaika na elimu kuhusu ukatili wa kijinsia, masuala ya ndoa na talaka,masuala ya ardhi,Elimu ya kusajili vizazi na vifo.

Kampeni ya Msaada wa kisheria ya Mama Samia ilianza kutolewa  Wilayani Same Januari 30,2025 na itakamilika Februari 8 ,2025.

Mratibu wa Wilaya Bi.Happiness Rhobi alisema Kampeni  ya Msaada wa Kisheria wa Mama Samia(MSLAC)  ilianza mwaka 2023 hapa nchini na inategemea kukamilika mwaka 2026.

Alisema Kampeni imeshafikia mikoa 16 na Kilimanjaro ni Mkoa wa 17 ambapo kwenye Wilaya ya Same Utekelezaji unafanyika kwenye Kata kumi.

Kwa Wilaya ya Same alisema Kata zitakazofikiwa kuwa ni Vumari,Kisiwani,Makanya,Mabilioni,Ruvu,Myamba, Hedaru ,Ndungu, Mwembe na Maore

Alisema Lengo la Kampeni ya Mama Samia Legal Aid ni kutoa Elimu kwa Jamii kuhusu masuala mbalimbali ikiwemo:-

Elimu ya Masuala ya Ardhi 

Elimu kuhusu masuala ya Ndoa na Talaka

Elimu ya Mirathi na umuhimu wa kuandika Mirathi.

Alisema Kampeni pia imelenga kuwapa msaada wa kisheria bure wananchi wenye changamoto mbalimbali za kisheria.

Alisema matarajio makubwa ya kutoa Msaada wa Kisheria wa Mama Samia ni kupungua  

 au kumalizika kabisa kwa migogoro na kuwezesha wananchi kupata haki.