DED AWATAKIA KHERI WANAOSHIRIKI SHIMISEMITA

Posted on: August 15th, 2024

Mkurugenzi Mtendaji wa Halmashauri ya Wilaya ya Same Bw.Jimson Mhagama amewataka kheri watumishi wanaokwenda kushiriki Mashindano ya Michezo mbalimbali ya Watumishi yanayofanyika  Kitaifa Mkoani  Mwanza.
Akizungumza na watumishi tisa wanaokwenda kuiwakilisha Wilaya katika mashindano hayo ya Shirikisho la Michezo Serikali za Mitaa Tanzania (SHIMISEMITA) aliwataka kupambana kuhakikisha kuwa wanarudi na ushindi.

"Tunatambua kuwa mchezo ni ajira,michezo ni Afya na mchezo ni furaha pia,hivyo tunahitaji mrudi na ushindi" alisema Bw.Mhagama

Mashindano ya mwaka huu yamebebwa na enye Kaulimbiu isemayo "Mtumishi Shiriki Michezo na Uchaguzi wa Serikali za Mitaa kwa Taifa Endelevu ili kupata Viongozi Bora"

Kaimu Afisa Mchezo na Utamaduni wa Wilaya ya Same Bw.Nevlin Nyange alimuahidi Mkurugenzi kwamba Wilaya itafanya vyema kwenye mashindano hayo kwani wamejiandaa vizuri.

Bw. Nyange amesema wanamichezo wanaowakilisha Wilaya ni Timu ya  netball ,riadha ,mchezo wa draft na karata.