WORLD VISION WAIPAISHA SAME KWA MIRADI

Posted on: September 9th, 2019

Katika miaka kumi na saba(17) waliyofanya kazi wilayani Same shirika la world vision  limeweza kushirikiana na wilaya kukamilisha madarasa 54,vyoo 104,kompyuta 55,zahanati 7,nyumba za walimu/waganga 7,mifereji ya maji km.7,ndiva 10,vyeti vya kuzaliwa 4114,vikundi 83 vya kuweka na kukopa vyenye jumla ya 4.5B kwa kutaja machache.

• Haya yalifanyika chini ya mradi wa Makindube uliofanya kazi tarafa ya Ndungu kwa ufadhili wa world vision Switzeland na mradi wa Nakombo uliofanya kazi  tarafa ya Mwembe mbaga kwa uliofadhiliwa na world vision Australia.
• Wakimaliza ufadhili wa miradi hiyo ,mwakilishi wa world vision Tanzania Bi Nesserian Mollel aliishukuru serikali kwa ushirikiano mkubwa walioupata muda wote wa miradi na kuwezesha shirika kufanya kazi kwa urahisi.Aliomba miradi hiyo itunzwe ili iweze kusaidia vizazi vingi.
• Naye DC wa Same Mhe.Rosemary Senyamule aliwapongeza wadau hao muhimu kwa kuwekeza kwenye miradi inayoacha alama ya muda mrefu na vizazi vingi vitaikuta na kusimulia habari zao.
• "Naomba muendelee kushirikiana na wilaya ya Same na kuandika miradi mingine kwa Same kwani wilaya ilianza mwaka 1962,sawa na miji mingine ambayo ni mikubwa lakini wenzetu wamefika mbali,kwa hiyo na sisi bado hatulali ili tufike huko.
• Naye mwakilishi wa world vision toka Australia aliahidi kuendelea kushirikiana na Tanzania kwa vipaumbele vya kitaifa hasa swala la lishe na udumavu.
• DC alieleza jinsi serikali ya awamu ya tano inavyotuongoza katika kujitegemea,na aliwataka wananchi wote waliokuwa wanasaidiwa na world vision sasa wajifunze kujitegemea kwani wameshapewa nguvu ya kusonga mbele wenyewe.